Advertisement

Read Ajab paagal si ladki hai Urdu Ghazal

Ajab paagal si ladki hai,
Wo mujh se jab bhi milti hai,
Mujhe har baar kahti hai,
Tere hone se meri zaat ki takmeel hoti hai,

read Ajab paagal si ladki hai urdu nazam
Usey ma’loom bhi hai main to khud ik aam ladka hoon,
Magar wo mujh se kahti hai, Nahi’n tum sa koi dooja,
Ajab paagal si ladki hai,
Wo mujh se jab bhi milti hai,
Naya ek naam deti hai,
nayi pahchaan deti hai,
Mere andar ke sab mausam bina mere kahe hi jaan leti hai,
Meri barson purani baat bhi wo yaad rakhti hai,
Mujhay her baar kehti hai,
teri aawaz ka jadoo mujhe sone nahi’n deta,
Ajab paagal si ladki hai,
Woh mujhse jab bhi milti hai,
To pahro’n mujh ko takti hai,
Usey har rang, jo maine ho pahna, achchha lagta hai,
Usey har khwaab, jo maine ho dekha, sachcha lagta hai,
Ajab paagal si ladki hai,
Woh mujhse jab bhi milti hai,
Mujhe har baar kahti hai,
Teri muskaan janaa’n zindagi mein rang bharti hai,
Mujhay dukh ke andhero’n mein kabhi khone nahi deti,
Usey mujh ko mujhi ko sochne ki jane kya zidd hai,
Ho din ka koi bhi lamha, andheri raat ka pal ho,
Wo mujhko so’ncha karti hai, mujhi ko yaad rakhti hai,
Ajab paagal si larki hai,
Woh mujh se jab bhi milti hai,
Hazaro’n baar kahti hai,
Mujhe tum se mohabbat hi nahi hai ishq hai jaan’an,
Bas ek pal mein woh apna aap mujhko saunp deti hai,
Main us paagal si ladki ke liye ab aur kya likkhoo’n,
Mujhe us ko bataana hai,
Ke us ki muskurahat par,
Main duniya waar sakta hoon,
Bas us ki ek aahat par,
Main jeewan haar sakta hoon,
Mujhe us se mohabbat hai,
Mujhe bhi ishq hai us se!
Ajab paagal si larki hai,
Ajab paagal sa main bhi hoo’n..

Advertisement
https://i1.wp.com/siyyahposh.com/wp-content/uploads/2017/01/Ajab-paagal-si-ladki-hai.jpg?fit=1024%2C666https://i1.wp.com/siyyahposh.com/wp-content/uploads/2017/01/Ajab-paagal-si-ladki-hai.jpg?resize=150%2C150SiyyahPoshGhazal ShayariGhazalsHeart Touching PoetryLove PoetryPoetryRomantic PoetrySad PoetryRead Ajab paagal si ladki hai Urdu Ghazal Ajab paagal si ladki hai, Wo mujh se jab bhi milti hai, Mujhe har baar kahti hai, Tere hone se meri zaat ki takmeel hoti hai,Usey ma'loom bhi hai main to khud ik aam ladka hoon, Magar wo mujh se kahti hai, Nahi'n tum sa koi...Your best source of Sad Urdu poetry

Comments

comments